Eragile inplikatuak

• Donostiako Sustapena
• Cluster SmartEnergy
• Ingurumen Saila
• Azpiegituretako eta Hiri-Zerbitzuetako Saila
• Hornitzaile teknologikoak
• Merkataritzak/ostalaritza, enpresak eta hiriko bertakoak.

Testuingurua

SmartKalea sortu zen ingurumen-jasangarritasuna, energia-eraginkortasuna, herritarren parte-hartzea eta gardentasuna sustatzeko helburuz, puntako teknologia erabiliz, eta Kale Nagusian gauzatzen ari da, Donostiako Alde Zaharreko kale garrantzitsuenetako batean. Zehazki, Donostiako merkataritza-establezimenduetako zein etxebizitzetako energia- eta ur-kontsumoetan gehiago aurreztea lortzeko xedea du, kaleko zenbait azpiegiturari dagokionez aurrezteaz gain.

Helburuak

• Pixkanaka Donostia smart hiria bihurtzea.
• Hiru arlo nagusitan gehiago aurreztea, energiaren zein ekonomiaren aldetik: merkataritza-establezimenduetan, etxebizitzetan eta hiriko azpiegituretan.
• Herritarrak eta merkatariak/ostalariak sentsibilizatzea energia aurrezteari eta jasangarritasunari buruz.
• Aukera ekonomikoak sor daitezen ahalbidetzea, proiektuan parte hartzen duten merkatari eta teknologia-hornitzaileentzat.
   

Deskribapena

Proiektua neurtzean eta optimizatzean oinarritzen da. Kaleko energia- eta ur-kontsumoen monitorizazio integrala egiten da, eta ezaguera horren arabera jarduten da. Horrela, energia eta diru asko aurreztea lortzen da.

Proiektua Donostiako Sustapenak jarri zuen abian, Kale Nagusian, hiriko Alde Zaharrean, monitorizazioa egiteko, merkataritzak, etxebizitzek zein azpiegitura publikoek energia aurrez dezaten eta jasangarritasun handiagoa izan dezaten, ingurumen-jasangarritasuna, energia-eraginkortasuna, herritarren parte-hartzea eta gardentasuna sustatzeko helburuz, hiriko hainbat laguntzaile teknologikoren puntako teknologia erabiliz. Argiztapen adimenduna, pertsona-kontaketa edo bankako ur- eta argindar-kontagailuak dira dagoeneko funtzionatzen ari diren neurrietako batzuk, zenbait udal-sailekin lankidetzan.